Skip to main content

Türkiyədə qanunsuz qumar-mərc saytları bloklanacaq

Türkiyədə qanunsuz fəaliyyət göstərən online qumarxana və mərc oyunlarına qarşı mübarizə başlayıb.

agamiraz-ın “haberler.com”a istinadən yaydığı xəbərə görə, hökumət ailələrin dağılmasına, gəclərin səhv yola düşməsinə səbəb olan və ölkə iqtisadiyyatına zərər vurən qanunsuz qumar və mərc oyunları ilə mübarizə məqsədilə 2 illik plan hazırlayıb. Planda aşağıdakı tədbirlərin həyata keçirilməsi nəzərdə tutulub:

- Qanunsuz qumar və mərc oyunları təşkil edənlərin gəlirləri müsadirə ediləcək;

- Qumar təşkil olunan məkanlar möhürlənəcək;

- Qumar və mərc oyunlarının reklamı qadağan olunacaq, bu cür saytlar bloklanacaq;

- Qumardan qazanılan pulların banklara köçürülməsinə və ya internetlə başqa hesablara göndərilməsinə imkan verilməyəcək;

- Qanunsuz köçürmələrdə bank kartı və ya kredit kartından istifadə mümkün olmayacaq;

- Qanunsuz qumar və mərci təşviq edən saytlar bloklanacaq;

- Qumar saytlarına giriş imkanı yaradan kafelərə ağır cəzalar veriləcək;

- Bu sahədəki hüquq pozuntularını araşdırmaq üçün prokurorluqda xüsusi qrup yaradılacaq;

- Bitcoin, ethereum, ripple kimi ödəmə kanalları əngəllənəcək;

- Online xəbərdarlıq sistemi qurulacaq;

- Qumar-mərc saytlarına daxil olanlara xəbərdarlıq gələcək;

- Axtarış sistemlərinə nəzarət ediləcək;

- Kafelər başda olmaqla, hər yerə xəbərdarlıq məqsədilə afişalar asılacaq;

- Gənclər, uşaqlar maarifləndiriləcək.

Comments

Post a Comment

Popular posts from this blog

Türkiyə və Qətərin hərbi dəniz qüvvələri birgə təlimlər keçirəcək

Türkiyə və Qətərin hərbi dəniz qüvvələri avqustun 6-7-də birgə təlimlər keçirəcək. “Report” "Anadolu" agentliyinə istinadən xəbər verir ki, məlumatı Qətərin Müdafiə Nazirliyi yayıb. İnformasiyaya əsasən, təlimlərin keçirilməsi ilə bağlı məsələ bu il iyulun 31-də Türkiyə Silahlı Qüvvələrinə aid “Gökova” gəmisinin göyərtəsində Qətər Hərbi Dəniz Qüvvələrinin komandanı kontr-admiral Məhəmməd bin Naser əl-Mühənnədinin iştirakı ilə müzakirə edilib. Təlimdə iştirak edəcək Türkiyənin hərbi gəmisi göyərtəsində 214 hərbçi ilə Qətərin paytaxtı Dohanın cənub-şərqində yerləşən Hamed limanında lövbər salıb.
Post a Comment
Read more

Bölgələrdə ot qıtlığı yaranıb

Ət və süd bahalaşa bilərmi? Bu il Azərbaycanın regionlarında ot qıtlığı yaşanıb. Bir yandan ekoloji amillər, digər yandan otlaq sahələrinin müxtəlif məhsulların əkini üçün ayrılması yem istehsalına ciddi təsir edib. Ekspertlər hesab edir ki, hazırda yaşıl yem mövcud olduğu üçün bu ətin qiymətində özünü göstərməsə də, payız-qış aylarında yaşanacaq yem qıtlığı qiymət artımına səbəb ola bilər. Bu durumu “Yeni Müsavat” şərh edən kənd təsərrüfatı üzrə ekspert Müslüm İbrahimov da vurğuladı ki, bu kənd təsərrüfatı üçün asan bir vəziyyət deyil:  “Ona görə ki, iribuynuzlu heyvanların bəlli bir rasionu var. Əgər bu rasionda hər hansı dəyişiklik olsa, bu dərhal süd və ətin məhsuldarlığına təsir göstərəcək. Bir qədər həmin rasiondan kənara çıxan kimi bu dərhal ətin və südün istehsalında hiss olunur. Heyvanın normal qidalanması üçün ot bol olmalıdır. Bizdə mövcud olan problemlərdən ən əsası da budur ki, heyvan yemlərini diversifikasiya edə bilməmişik. Əslində isə rasionda otdan başqa digə...
Post a Comment
Read more

Mixail Saakaşvili Polşaya hansı pasportla gəlib?

Ukrayna vətəndaşlığından məhrum edilmiş Gürcüstanın sabiq prezidenti Mixail Saakaşvili ABŞ-dan Polşaya uçub. APA-nın “Ukrainskaya Pravda”ya istinadən verdiyi məlumata görə, M. Saakaşvili avqustun 3-də Varşava üsyanının ildönümünə həsr olunmuş tədbirdə çıxış edib. Ukrayna pasportu ləğv edilmiş və başqa vətəndaşlıq pasportu olmayan M. Saakaşvilinin Polşa sərhədini necə keçdiyi hələlik məlum deyil. Onun mətbuat xidməti günün sonuna qədər bu barədə açıqlama veriləcəyini bildirib.  Xatırladaq ki, iyulun 26-da M. Saakaşvilinin Ukrayna vətəndaşlığından məhrum edildiyi barədə məlumat yayılıb. Ukrayna hökuməti ABŞ və digər dövlətlərə Saakaşvilinin pasportunun ləğv olunduğu barədə məlumat verib.
Post a Comment
Read more