Skip to main content

Qoz-fındıq ürəyə xeyirdir (61 min adam sınağa çəkilib)

Qoz-fındıq ürək-damar xəstəliyi, habelə ürəyin ritm pozuntusu riskini azaldır. Agamiraz-ın məlumatına görə, bir qrup isveçli alimin tədqiqatı belə nəticə ortaya çıxarıb. Tədqiqatın yekunları “Heart” jurnalında dərc olunub.
Alimlərin tədqiqatında 45-83 yaş arası 61 min isveçli iştirak edib. İştirakçılar qida rasionları haqda məlumat veriblər, sonra 17 il ərzində könüllülərin ürək-damar sisteminin vəziyyəti izlənib. İnsan tədqiqat illəri ərzində ölübsə, alimlər ölüm səbəbini müəyyən ediblər.
Müşahidə zamanı 4 min 983 ürək tutması halı qeydə alınıb, onların 917-si ölümlə nəticələnib.
3 min 160 insanda ürək çatışmazlığı, 7 min 550 adamın ürəyində ritm pozuntusu, 972 insanda aorta klapanının sıxılması, 983 nəfərdə damar genişlənməsi, 3 min 782 nəfərdə beyinin işemik insultu və 543 adamda beyinə qansızma halı qeydə alınıb.
Müşahidə göstərib ki, qoz-fındıq qəbulu ürək tutması, çatışmazlığı, ritm pozuntusu və damar genişlənməsi riskini azaldır. Nəticələr cinsdən və yaşdan asılı olaraq dəyişsə də, mütəxəssislər bildirirlər ki, ayda orta hesabla 1-3 porsiya qoz-fındıq yemək ürək ritminin pozuntusu riskini 3 faiz, həftədə 1-2 porsiya 12 faiz, həftədə 3 porsiyadan artıq isə 18 faiz azaldır.

Comments

Post a Comment

Popular posts from this blog

Türkiyə və Qətərin hərbi dəniz qüvvələri birgə təlimlər keçirəcək

Türkiyə və Qətərin hərbi dəniz qüvvələri avqustun 6-7-də birgə təlimlər keçirəcək. “Report” "Anadolu" agentliyinə istinadən xəbər verir ki, məlumatı Qətərin Müdafiə Nazirliyi yayıb. İnformasiyaya əsasən, təlimlərin keçirilməsi ilə bağlı məsələ bu il iyulun 31-də Türkiyə Silahlı Qüvvələrinə aid “Gökova” gəmisinin göyərtəsində Qətər Hərbi Dəniz Qüvvələrinin komandanı kontr-admiral Məhəmməd bin Naser əl-Mühənnədinin iştirakı ilə müzakirə edilib. Təlimdə iştirak edəcək Türkiyənin hərbi gəmisi göyərtəsində 214 hərbçi ilə Qətərin paytaxtı Dohanın cənub-şərqində yerləşən Hamed limanında lövbər salıb.
Post a Comment
Read more

Bölgələrdə ot qıtlığı yaranıb

Ət və süd bahalaşa bilərmi? Bu il Azərbaycanın regionlarında ot qıtlığı yaşanıb. Bir yandan ekoloji amillər, digər yandan otlaq sahələrinin müxtəlif məhsulların əkini üçün ayrılması yem istehsalına ciddi təsir edib. Ekspertlər hesab edir ki, hazırda yaşıl yem mövcud olduğu üçün bu ətin qiymətində özünü göstərməsə də, payız-qış aylarında yaşanacaq yem qıtlığı qiymət artımına səbəb ola bilər. Bu durumu “Yeni Müsavat” şərh edən kənd təsərrüfatı üzrə ekspert Müslüm İbrahimov da vurğuladı ki, bu kənd təsərrüfatı üçün asan bir vəziyyət deyil:  “Ona görə ki, iribuynuzlu heyvanların bəlli bir rasionu var. Əgər bu rasionda hər hansı dəyişiklik olsa, bu dərhal süd və ətin məhsuldarlığına təsir göstərəcək. Bir qədər həmin rasiondan kənara çıxan kimi bu dərhal ətin və südün istehsalında hiss olunur. Heyvanın normal qidalanması üçün ot bol olmalıdır. Bizdə mövcud olan problemlərdən ən əsası da budur ki, heyvan yemlərini diversifikasiya edə bilməmişik. Əslində isə rasionda otdan başqa digə...
Post a Comment
Read more

Mixail Saakaşvili Polşaya hansı pasportla gəlib?

Ukrayna vətəndaşlığından məhrum edilmiş Gürcüstanın sabiq prezidenti Mixail Saakaşvili ABŞ-dan Polşaya uçub. APA-nın “Ukrainskaya Pravda”ya istinadən verdiyi məlumata görə, M. Saakaşvili avqustun 3-də Varşava üsyanının ildönümünə həsr olunmuş tədbirdə çıxış edib. Ukrayna pasportu ləğv edilmiş və başqa vətəndaşlıq pasportu olmayan M. Saakaşvilinin Polşa sərhədini necə keçdiyi hələlik məlum deyil. Onun mətbuat xidməti günün sonuna qədər bu barədə açıqlama veriləcəyini bildirib.  Xatırladaq ki, iyulun 26-da M. Saakaşvilinin Ukrayna vətəndaşlığından məhrum edildiyi barədə məlumat yayılıb. Ukrayna hökuməti ABŞ və digər dövlətlərə Saakaşvilinin pasportunun ləğv olunduğu barədə məlumat verib.
Post a Comment
Read more